XX. mendeko Euskararen Corpus estatistikoa

Testuingurua

ZUHAITZAK
IRATIKo basoa,
bai baso ederra!
Ai halakoa balitz
autobus txoferra!

Iratiko basoan,
ederra ezkia:
autobusa omen zen
oso garestia.

Iratiko basoan,
ederra haritza:
hutsaren hurrengoa,
txoferraren hitza.

Iratiko basoan,
ederra astigarra:
autobusak dirudi
dortoka handi zaharra.

Iratiko basoan,
ederra gaztaina:
obus baten gainean,
Domingo Kanpaña.

Basoaren erdian,
ederra erreka:
autobusa bidean
hasi da puzkerka.

Iratiko basoan,
ederra izeia:
autobusak, atzetik,
a ze kezko hodeia!

Iratiko basoan,
ederra lertxuna:
gure amets bidaia,
amesgaizto iluna.